"Milliy qadriyatlar — millat ma’naviyatining ko‘zgusi" mavzusida tadbir o‘tkazildi.
Bugun, 6-fevral kuni Maktabgacha va boshlang‘ich ta’lim fakulteti talaba-qizlarining milliy liboslar va milliy qadriyatlarga bag‘ishlangan ma’naviy-ma’rifiy tadbiri tashkil etildi.
Tadbirda fakultet dekani I. Rasulov, dekan o‘rinbosari D. Rahmatullayeva, fakultet professor-o‘qituvchilari, tyutorlar hamda talabalar ishtirok etishdi. Unda xalqimizning boy tarixi, qadimiy urf-odat va an’analari, dunyoqarashi, estetik qarashlari mujassam bo‘lgan hozirgi kundagi milliy liboslar jozibasi hamda qadriyatlar, urf-odatlar haqida fikr-mulohazalari bildirildi.
Tadbirdan asosiy maqsad yoshlar qalbida milliy urf-odatlarimiz hamda qadriyatlarimizga bo‘lgan mehr -muhabbatni kuchaytirish, talaba-qizlarning estetik didini o‘stirish va milliy liboslarimizga bo‘lgan qiziqishini yanada kuchaytirishdan iborat.
Tadbirda milliy liboslar ko‘rgazmasi hamda etnografik chiqishlar namoyish etildi.
