Xalqaro hamkorlik ko‘lamini kengaytirish bo‘yicha seminar o‘tkazildi

Xalqaro hamkorlik ko‘lamini kengaytirish bo‘yicha seminar o‘tkazildi

Navoiy davlat universitetida “Malayziya, Singapur va Yaponiya universitetlari bilan xalqaro akademik hamkorlikni kengaytirish” mavzusida seminar tashkil etildi.

Seminarda professor-o‘qituvchilar, mutaxassislar ishtirok etib, xorijiy oliy ta’lim muassasalari bilan hamkorlikning istiqbolli yo‘nalishlari yuzasidan fikr almashildi.
Xususan, akademik almashinuv dasturlarini yo‘lga qo‘yish, qo‘shma ta’lim dasturlarini tashkil etish, ilmiy tadqiqot loyihalarini amalga oshirish hamda talabalar va professor-o‘qituvchilar mobilligini kengaytirish masalalari muhokama qilindi.

Malayziya, Singapur va Yaponiya universitetlarining ilg‘or tajribalari, xalqaro reytinglarda yuqori o‘rinlarni egallash omillari hamda ta’lim va ilm-fan integratsiyasiga oid yondashuvlari haqida ma’lumotlar berildi.