Xitoy delegatsiyasi Xiva shahrida Lyaonin pedagogika universiteti filiali binolarini ko'zdan kechirdi
Lyaonin provinsiyasi delegatsiyasi UrDU rahbariyati va Vazirlik mas'ullari hamrohligida Xiva shahrida ochilayotgan Lyaonin pedagogika universiteti filialidagi tayyorgarlik jarayonlari bilan tanishdi.
Xitoyning Lyaonin provinsiyasi vakillari — Li Yanmin hamda Gao Chjivu, Oliy ta’lim, fan va innovatsiyalar vazirligi mas’ullari, UrDU rektori Feruza Madrahimova va prorektor Oybek Sotiboldiyev hamrohligida Xiva shahridagi Lyaonin pedagogika universiteti filiali binosiga tashrif buyurdilar. Tashrif davomida filial binosida olib borilayotgan ishlar va ta'lim uchun yaratilayotgan sharoitlar o'rganildi. Tomonlar o'quv xonalarini ta'lim yo'nalishlariga mos zamonaviy talablar asosida jihozlash va o'quv jarayonlarini samarali tashkil etish masalalarini muhokama qildilar.
