Is’hoqxon Ibrat nomidagi Namangan davlat chet tillari instituti hamda Qirg‘iziston Respublikasining nufuzli oliy ta’lim muassasalaridan biri — Osh davlat universiteti o‘rtasidagi hamkorlik aloqalari izchil rivojlanmoqda.
Dastur asosida filologiya fakultetining 14 nafar iqtidorli talabasi hamda 1 nafar professor-o‘qituvchisi Osh shahriga yetib borib, hamkor universitetda o‘quv jarayonini rasman boshladi.
Mazkur hamkorlik doirasida akademik mobillik dasturi amaliy bosqichga o‘tdi.
Dastur asosida filologiya fakultetining 14 nafar iqtidorli talabasi hamda 1 nafar professor-o‘qituvchisi Osh shahriga yetib borib, hamkor universitetda o‘quv jarayonini rasman boshladi.
Akademik mobillik dasturi talabalarga:
— zamonaviy auditoriya mashg‘ulotlari va ilmiy seminarlar orqali bilimlarini mustahkamlash,
— qardosh davlat oliy ta’lim tizimi tajribasini bevosita o‘rganish,
— xalqaro akademik muhitda muloqot kompetensiyalarini rivojlantirish,
— kelajakdagi ilmiy va kasbiy faoliyati uchun muhim tajriba to‘plash imkonini bermoqda.
Shuningdek, dastur talabalarga Qirg‘izistonning boy tarixiy-madaniy merosi bilan tanishish, millatlararo do‘stlikni mustahkamlash hamda xalqaro hamkorlik muhitida faol ishtirok etish uchun keng imkoniyatlar yaratmoqda.
