Koreya xalqaro hamkorlik agentligi (KOICA) bilan hamkorlik yanada rivojlanmoqda
UrDU vakillari KOICAning yillik uchrashuvida qatnashib, koreys tili va sun’iy intellekt yo‘nalishlarida ko‘ngilli mutaxassislarni jalb qilish masalalarini muhokama qildilar.
-
Abu Rayhon Beruniy nomidagi Urganch davlat universiteti vakillari "2026-yil uchun KOICA World Friends Korea (WFK) ko‘ngillilar dasturi" bo‘yicha o‘tkazilgan hamkor tashkilotlarning yillik uchrashuvida ishtirok etdilar.
Tadbirda 2026-2027 o‘quv yilida universitetning Koreys tili ta’lim yo‘nalishi talabalariga dars berish uchun kelishi kutilayotgan ko‘ngilli o‘qituvchining o‘quv rejalari ko‘rib chiqildi. Shuningdek, yaqin kelajakda "Sun’iy intellekt orqali til o‘rgatish" bo‘yicha mutaxassis jalb qilish hamda hamkorlikdagi yangi loyihalarning maqsad va vazifalari atroflicha muhokama etildi.
