Raqamlashtirish sharoitida davlat va huquq taraqqiyoti tendensiyalari muhokama qilindi
Toshkent davlat yuridik universiteti Davlat va huquq nazariyasi kafedrasi tashabbusi bilan “Raqamlashtirish sharoitida davlat va huquq taraqqiyoti tendensiyalari” mavzusida xalqaro ilmiy-amaliy konferensiya tashkil etildi. Konferensiyada maʼlumotlar maxfiyligi va kiberxavfsizlik, elektron boshqaruv tashabbuslari va raqamli huquqlargacha bo‘lgan boshqaruv jarayonlarini raqamlashtirish bilan bogʻliq huquqiy muammolar va imkoniyatlar muhokama qilindi. Olimlar va amaliyotchilar sun’iy intellekt, blokcheyn va internet-mahsulotlar kabi yangi texnologiyalarning qonunchilik bazasi bilan kesishishini o‘rganib, javobgarlik, oshkoralik masalalari bo‘yicha ma’lumot almashdilar.
Anjumanda milliy va xorijiy mutaxassislar, professor-o‘qituvchilar, olimlar va amaliyotchilar ishtirok etdi.
Ta’kidlanganidek, shiddat bilan rivojlanib kelayotgan texnologiyalar, butun dunyo bo‘ylab jamiyatlardagi munosabatlarni tubdan o‘zgartirib kelmoqda. Bu borada tashkil etilayotgan konferensiya raqamli asrda boshqaruv va huquqiy tizimlarning o‘zgaruvchan landshaftini o‘rganish uchun platforma bo‘lib xizmat qiladi.
