UrDUda ACQUIN xalqaro akkreditatsiya jarayonining yakuniy bosqichi bo‘lib o‘tdi
Germaniyaning ACQUIN xalqaro akkreditatsiya tashkiloti ekspertlari UrDUning 9 ta ta’lim dasturini o‘rganib chiqib, yakuniy onlayn uchrashuvda o‘z xulosa va tavsiyalarini taqdim etdilar.
Urganch davlat universitetida Germaniyaning ACQUIN xalqaro akkreditatsiya tashkiloti tomonidan 9 ta ta’lim dasturi (Iqtisodiyot, Buxgalteriya hisobi, Marketing, Turizm va mehmondo‘stlik, Oziq-ovqat texnologiyasi va Qishloq xo‘jaligi mahsulotlarini saqlash texnologiyasi) bo‘yicha kompleks o‘rganishlar yakunlandi. Germaniya, Shveysariya, Malta, Iordaniya, Turkiya va Buyuk Britaniya ekspertlaridan iborat guruh ishtirok etgan jarayonning so‘nggi bosqichi onlayn formatda o‘tkazildi. Uchrashuvda xalqaro ekspertlar tahlillar hamda ta’lim sifatini xalqaro mezonlarga moslashtirish bo‘yicha tavsiyalarini bildirdilar.
