Xitoyning nufuzli ta’lim va kompaniyalari bilan hamkorlik o‘rnatildi

Xitoyning nufuzli ta’lim va kompaniyalari bilan hamkorlik o‘rnatildi

Navoiy davlat universiteti Xitoyning Pekin qishloq xo‘jaligi kasb-hunar kolleji hamda Beijing Shengxi qishloq xo‘jaligini rivojlantirish kompaniyasi bilan hamkorlik memorandumlarini imzoladi.
 

Mazkur hujjatlar qishloq xo‘jaligi sohasida ta’lim, ilmiy-tadqiqot va amaliy hamkorlikni rivojlantirish, zamonaviy agrotexnologiyalarni joriy etish hamda malakali mutaxassislar tayyorlash yo‘nalishlarida o‘zaro manfaatli aloqalarni kengaytirishga qaratilgan.

Memorandumlar doirasida talaba va professor-o‘qituvchilar almashinuvi, qo‘shma ta’lim dasturlarini ishlab chiqish, ilmiy va innovatsion loyihalarni amalga oshirish, shuningdek, qishloq xo‘jaligi ishlab chiqarishida ilg‘or tajriba va texnologiyalarni joriy etish bo‘yicha hamkorlikni yo‘lga qo‘yish rejalashtirilgan.