"Jonli ijro zavqi" konsert dasturi

O‘zbekiston Respublikasi Madaniyat vazirligi hamda Yunus Rajabiy nomidagi O‘zbek milliy musiqa san’ati instituti hamkorligida milliy musiqa san’atining boy merosiga bag‘ishlangan "Jonli ijro zavqi" nomli katta konsert dasturi 13-fevral kuni soat 19:00 da “Xalqlar do'stligi” saroyida bo‘lib o‘tadi.
 Asrlar davomida sayqallangan mumtoz kuy-qo‘shiqlar, yuraklarga orom baxsh etuvchi milliy ohanglar, ustoz san’atkorlar va yosh iste’dodlar ijrosida tomoshabinlarga havola etiladi. Ushbu konsert milliy musiqa san’atimizning betakror go‘zalligini yana bir bor namoyon etadi.