18 AvgustAvgustAvgust 2026
6 ko'rishlar
UrDUda Xalqaro yozgi maktab dasturining ikkinchi kuni bo'lib o'tdi
Urganch davlat universitetida o'tkazilayotgan Xalqaro yozgi maktabning ikkinchi kunida ilmiy tadqiqotlarda sun'iy intellektdan samarali foydalanishga bag'ishlangan seminarlar tashkil etildi.
“Ta'lim va ilm-fan uchun birgalikda yangi istiqbollar yaratish“ mavzusidagi Xalqaro yozgi maktab dasturi Urganch davlat universitetida davom etmoqda. Dasturning ikkinchi kunida Germaniyaning Myunster va Vuppertal universitetlari professorlari hamda O'zbekiston yetakchi OTMlari vakillari ishtirokchilar uchun maxsus seminarlar o'tdilar. Mashg'ulotlarda ilmiy izlanishlarda sun'iy intellekt vositalaridan foydalanish, tadqiqotlar samaradorligini oshirish va zamonaviy ilmiy yondashuvlarni amaliyotga tatbiq etish masalalari chuqur tahlil qilindi.
