29 YanvarYanvarYanvar 2025
78 ko'rishlar
Bugun Xorijiy filologiya fakultetida ilmiy ishlar va innovatsiyalar boʻyicha prorektor Nurbek Joʻrayev raisligida uchrashuv tashkil etildi.
Mazkur uchrashuv kun tartibidan ilmiy ishlar sifatini yaxshilash, yangi ilmiy izlanishlar olib borish va fakultetning ilmiy salohiyatini mustahkamlashga oid kelgusi rejalar kabi asosiy masalalar oʻrin oldi.
Uchrashuv davomida fakultetda ilmiy salohiyatini oshirish borasida olib borilayotgan ishlar xususan, xalqaro va respublika ilmiy jurnallarida maqolalar chop etilishi holati, iqtiboslik, monografiyalar koʻlami, yoshlarni ilmiy faoliyatga jalb etilishi kabi muhim masalalar chuqur muhokama etildi.
Shuningdek, kelgusida xalqaro bazalarda indekslanadigan xorijiy ilmiy jurnallarda maqolalar nashr qilish, xalqaro konferensiyalarda maʼruzalar bilan ishtirok etishga masʼuliyat bilan yondashish boʻyicha aniq koʻrsatmalar berildi.
