UrDU professori Chexiyada xalqaro malaka oshirish dasturida ishtirok etmoqda
UrDU professori Muhabbat Salayeva Chexiyaning PIMT universitetida maktabgacha ta’limni boshqarish bo‘yicha xalqaro tajribalarni o‘rganmoqda.
-
Urganch davlat universiteti Boshlang‘ich ta’lim metodikasi kafedrasi professori Muhabbat Salayeva Chexiya Respublikasidagi PIMT universitetining taklifiga binoan, joriy yilning 1-aprelidan 1-mayiga qadar xalqaro malaka oshirish dasturida ishtirok etmoqda. Mazkur dastur doirasida professor Praga shahrida tashkil etilgan “Chexiya Respublikasida maktabgacha ta’limni boshqarish tajribasi” mavzusidagi o‘quv-amaliy mashg‘ulotlarda qatnashib, soha bo‘yicha ilg‘or tajribalar va zamonaviy yondashuvlarni o‘rganmoqda. Ushbu malaka oshirish dasturi pedagog kadrlarning kasbiy salohiyatini oshirish hamda ta’lim tizimiga innovatsion xalqaro tajribalarni joriy etishga xizmat qiladi.
