UrDU vakili O‘zbekiston-Malayziya OTMlari o‘rtasidagi hamkorlik uchrashuvida ishtirok etdi
Toshkentda o‘tkazilgan O‘zbekiston va Malayziya oliy ta’lim muassasalari hamkorlik uchrashuvida UrDU vakili Malayziya texnologiya universiteti (UTM) bilan akademik almashinuv masalalarini muhokama qildi.
Toshkent shahridagi Hyatt Regency mehmonxonasida O‘zbekiston-Malayziya oliy ta’lim muassasalari o‘rtasidagi hamkorlikning yangi bosqichiga bag‘ishlangan uchrashuv bo‘lib o‘tdi. Mazkur tadbirda Urganch davlat universiteti nomidan Xalqaro aloqalar boshqarmasi boshlig‘i Oybek Sotiboldiyev ishtirok etdi. Muloqot davomida Malayziya texnologiya universiteti (University Teknologi Malaysia – UTM) rektori, professor Shafry boshchiligidagi delegatsiya vakillari bilan o‘zaro akademik va ilmiy yo‘nalishlarda hamkorlik qilish, shuningdek, professor-o‘qituvchilar va talabalar almashinuvi dasturlarini yo‘lga qo‘yish bo‘yicha muhim kelishuvlarga erishildi.
