Xitoyning yirik kompaniya vakillari bilan istiqbolli muzokaralar olib borildi

Toshkent shahrida davom etayotgan V Xalqaro investitsiya forumi doirasida Navoiy davlat universiteti rektori, professor Muxiddin Kalonov Xitoyning Baiyin Hongdao Yangi energiya texnologiyalari mas’uliyati cheklangan jamiyati vakillari bilan uchrashdi.

Muloqot chog‘ida ushbu kompaniya bilan hamkorlikni yo‘lga qo‘yish, ilmiy-tadqiqot yo‘nalishlarida tajriba almashish, yangi energiya texnologiyalari bo‘yicha qo‘shma loyihalarni amalga oshirish hamda talabalar va mutaxassislar uchun amaliyot va malaka oshirish masalalari muhokama qilindi.

Kelgusida o‘zaro manfaatli hamkorlikni yo‘lga qo‘yish va aniq yo‘nalishlar bo‘yicha hamkorlik aloqalarini mustahkamlash yuzasidan fikr almashildi.