Samarqand davlat pedagogika instituti va Indoneziya Pendidikan universiteti o‘rtasida hamkorlik bitimi imzolandi

Samarqand davlat pedagogika instituti psixologiya kafedrasi mudiri Umida Butayeva Indoneziya Respublikasining Pendidikan universiteti professorlari Deni Darmawan hamda Asep Bayu Dani Nandiyanto bilan uchrashuv o‘tkazdi. Uchrashuv davomida ikki oliy ta’lim muassasasi o‘rtasida hamkorlik shartnomasi imzolandi.

Mazkur shartnomaga muvofiq, tomonlar ilmiy tadqiqot ishlarini o‘zaro tahlil qilish, professor-o‘qituvchilar almashinuvini yo‘lga qo‘yish, stajirovka va malaka oshirish dasturlarini tashkil etish, shuningdek, talabalar almashinuvini rivojlantirish bo‘yicha kelishuvga erishdilar.