Marketing

“Marketing: sport marketingi” magistratura mutaxassisligi bo‘yicha magistrlar tayyorlash kunduzgi ta’lim shaklida amalga oshiriladi. “Biznes va boshqaruv” ta’lim sohasidagi mutaxassislik boʻlib, u sport tashkilotlari va korxonalarida marketing faoliyatini tashkil etish, boshqarish, rejalashtirish, nazorat qilish, marketing xizmatini shaklantirish, marketing tadqiqotlari oʻtkazish, marketing strategiyasini ishlab chiqish, marketingning rivojlanish qonuniyatlari va zamonaviy konsepsiyalari asosida xizmat koʻrsatish, turli mulkchilik shaklidagi sport tashkilotlari va korxonalarida reklama faoliyatini tashkil etish va uni samaradorligini oshirish, sport tarmoqlari va sohalarining bozor faoliyatini rivojlantirishni taʼminlash, istiqbolini belgilashga, kasbiy koʼnikmaga, mutasaddilik qobiliyatiga yoʼnaltirilgan inson faoliyatining vositalari, usullari va uslublarining majmuasini qamrab oladi, shu sababdan ushbu magistratura mutaxassisligi hozirgi davrda eng zarur boʻlgan sohalardan biri hisoblanadi.

Siz 2 yil davomida “Marketing: sport marketingi” magistratura mutaxassisligi bo‘yicha koʻplab nazariy va amaliy koʻnikmalarga ega boʻlasiz. Eng yangi va zarur boʻlgan fanlarni oʻzlashtirasiz. Biz bilan ta’lim oling va albatta koʻzlagan maqsadingizga erishing.

Mazkur ta’lim dasturida siz 2 semestr (2 yil) davomida jami: 120 kredit toʻplashingiz zarur boʻladi. Jumladan,

Jami auditoriya soati: 900 soat

Ilmiy-tadqiqot ishi va magistrlik dissertatsiyasini tayyorlash: 1110 soat

Ilmiy pedagogik ish: 240 soat

Ilmiy amaliyot (tajriba orttirish): 450 soatni tashkil etadi.

Qoʻshimcha izohlar:

1) 1 kredit 30 akademik soatni tashkil qiladi.

2) Yakuniy davlat attestatsiyasi muddatlari tarkibiga magistrlik dissertatsiyasini tayyorlash hamda himoya qilish ham kiradi.

3) Ilmiy amaliyot va tajriba orttirish uchun oliy ta’lim, ilmiy tadqiqot muassasalari hamda bazaviy tashkilot va korxonalarda o‘tkaziladi. Dastlabki 5 haftasi kadrlar buyurtmachisi boʻlgan tashkilotlarda, keyingi 10 haftasi esa mutaxassislik kafedralarida tashkil etiladi.

4) Mazkur ta’lim yoʻnalishi xususiyatidan kelib chiqib, shuningdek, qoʻshimcha sport tayyorgarligi mashgʻulotlari mavjudligini inobatga olgan holda nazariy ta’lim jarayoni onlayn tarzda yoki masofaviy shaklda amalga oshirilishi mumkin.