Filologiya va tillarni o‘qitish: Arab tili

Filologiya va tillarni o‘qitish: Arab tili (Bakalavriat)

Alfraganus Universitetining Filologiya va tillarni o‘qitish: Arab tili dasturi talabalarga arab tili, adabiyoti, tilshunosligi va zamonaviy o‘qitish metodikasi bo‘yicha chuqur nazariy bilim hamda amaliy ko‘nikmalar beradi. Dastur xorijiy tillarni o‘qitish, tarjima, ilmiy-tadqiqot va xalqaro muloqot sohalari uchun malakali mutaxassislarni tayyorlashga qaratilgan.

Davomiyligi: 4 yil (8 semestr)
Kreditlar: 240 ECTS
Daraja: Filologiya va tillarni o‘qitish: Arab tili bakalavri
Ta’lim shakli: Kunduzgi

Asosiy fanlar: Amaliy arab tili, Arab tili grammatikasi, Fonetika va fonologiya, Leksikologiya, Stilistika, Tilshunoslik asoslari, Arab adabiyoti, Tarjima nazariyasi va amaliyoti, Arab tilini o‘qitish metodikasi, Akademik yozuv, Arab mamlakatshunosligi, Axborot-kommunikatsiya texnologiyalari va Kasbiy etika.

Pedagogik va malakaviy amaliyot dasturning muhim qismi hisoblanadi. Talabalar umumiy o‘rta ta’lim maktablari, akademik litseylar, til markazlari, oliy ta’lim muassasalari hamda tarjima tashkilotlarida amaliyot o‘tash orqali o‘qitish, tarjima va kasbiy muloqot bo‘yicha tajriba orttiradilar.

Bitiruvchilar umumiy o‘rta ta’lim maktablari, akademik litseylar, oliy ta’lim muassasalari, til markazlari, davlat va xususiy tashkilotlar, xalqaro kompaniyalar hamda tarjima agentliklarida arab tili o‘qituvchisi, tarjimon, filolog, muharrir, til bo‘yicha mutaxassis va xalqaro aloqalar bo‘yicha mutaxassis sifatida faoliyat yuritishlari mumkin.

Dastur zamonaviy til ta’limi standartlariga muvofiq til kompetensiyalari, samarali muloqot, tanqidiy fikrlash, tarjima ko‘nikmalari va innovatsion pedagogik texnologiyalardan foydalanish bo‘yicha professional kompetensiyalarni rivojlantirishga qaratilgan.

*Xorijiy talabalar uchun kontrakt to‘lovi miqdori 25 000 000 (yigirma besh million) so‘m etib belgilangan.