Filologiya va tillarni o‘qitish: Ingliz tili

FILOLOGIYA FAKULTETI

60230100 - Filologiya va tillarni o‘qitish (oʻzbek tili)

Bu yo‘nalishda tahsil olganlar oʻzbek tili va adabiyotini mukammal o‘rganadi. Qo‘shimcha tarzda ingliz, nemis yoki fransuz tillaridan birini tanlov asosida o‘rganishlari mumkin.

1-bosqichda - Axborot texnologiyalari, Davlat tilida ish yuritish, Tilshunoslik nazariyasi, Sharq (arab, fors) tillari, Oʻzbek folklori, Adabiyot nazariyasi, O‘zbekistonning eng yangi tarixi. Samarqand tamadduni tarixi, Falsafa, Jahon adabiyoti, Hozirgi adabiy jarayon, Dinshunoslik fanlari o‘tiladi va Oʻzbek folklori fanidan malakaviy dala amaliyotini oʻtaydilar.

2-bosqichdan boshlab talabalar oʻzlari qiziqqan kafedra fanlarini tanlaydilar.

2,3,4-bosqichda Hozirgi oʻzbek adabiy tili, Oʻzbek adabiyoti tarixi, Kompyuter lingvistikasi, Oʻzbek dialektologiyasi, Navoiyshunoslik, Umumiy pedagogika. Umumiy psixologiya, Oʻzbek tili tarixi, Yangi oʻzbek adabiyoti, Oʻzbek tili va adabiyotini oʻqitish metodikasi, Qiyosiy adabiyotshunoslik, Oʻzbek tilshunosligi tarixi fanlari oʻtiladi va uchinchi semestrdan boshlab har semestrda tanlov fanlarini oʻqiydilar, shunigdek, har kursning soʻgida malakaviy amaliyotga jalb qilinadi.

4 yillik o‘qish (bakalavr)ni muvaffaqiyatli bitirgandan so‘ng filolog-pedagog maqomi beriladi.

1 kredit 30 akademik soatni tashkil qiladi.

GPA ko‘rsatkichi har yili avgust oyining uchinchi haftasida aniqlanadi.

O‘quv reja asosida ishchi o‘quv rejasini tuzishda talabalar yuklamasining haftalik hajmini saqlagan holda o‘quv fanlari bloki hajmini 5 % gacha, bloklar tarkibidagi fanlar hajmini 10 % gacha o‘zgartirish hamda auditoriya yuklamasining umumiy hajmini saqlagan holda ayrim semestrlarda haftalik yuklamalar hajmini erkin belgilash mumkin.

Yakuniy davlat attestatsiyasi muddatlari tarkibiga bitiruv malakaviy ishini himoya qilish ham kiradi.

O‘quv rejaga kiritiladigan ixtisoslikka oid fanlarning amaliy mashg‘ulotlari va laboratoriya ishlari oliy ta'lim muassasasi hamda bazaviy tashkilot va korxonalarda o‘tkaziladi.

Nazariya va amaliyot yaxlitligini ta'minlash uchun talabalarning malakaviy amaliyotlari bazaviy tashkilot va korxonalarda o‘tkaziladi.

Kurs ishlari shu fanga ajratilgan mustaqil ta'lim soatlari hisobidan I kredit asosida bajariladi.

TA’TIL VAQTI:

1. 1-kurs:

- dekabr oyining 5-haftasidan yanvar oyining 2-haftasiga qadar;

- iyun oyining 4-haftasidan sentabr oyigacha.

2. 2-kurs:

- dekabr oyining 5-haftasidan yanvar oyining 2-haftasiga qadar;

- iyul oyining 1-haftasidan sentabr oyigacha.

3. 3-kurs:

- dekabr oyining 5-haftasidan yanvar oyining 2-haftasiga qadar;

- iyul oyining 1-haftasidan sentabr oyigacha

4. 4-kurs:

- dekabr oyining 5-haftasidan yanvar oyining 2-haftasiga qadar;

- iyun oyining 3-haftasidan.

FANLAR

1. Axborot texnologiyalari;
2. Davlat tilida ish yuritish;
3. Tilshunoslik nazariyasi;
4. Sharq (arab, fors) tillari;
5. Oʻzbek folklori;
6. Adabiyot nazariyasi;
7. O‘zbekistonning eng yangi tarixi. Samarqand tamadduni tarixi;
8. Falsafa;
9. Jahon adabiyoti;
10. Hozirgi adabiy jarayon;
11. Dinshunoslik;
12. Hozirgi oʻzbek adabiy tili;
13. Oʻzbek adabiyoti tarixi;
14. Kompyuter lingvistikasi;
15. Oʻzbek dialektologiyasi;
16. Navoiyshunoslik;
17. Umumiy pedagogika. Umumiy psixologiya;
18. Oʻzbek tili tarixi;
19. Yangi oʻzbek adabiyoti;
20. Oʻzbek tili va adabiyotini oʻqitish metodikasi;
21. Qiyosiy adabiyotshunoslik;

22.Oʻzbek tilshunosligi tarixi.