Soliqlar va soliqqa tortish

60410300-Soliqlar va Soliqqa tortish

Bilim sohasi: Biznes, boshqaruv va huquq
Ta’lim sohasi: Biznes va boshqaruv
Ta’lim yo‘nalishi: Soliqlar va Soliqqa tortish
 

ECTS kreditlari: 240

Qisqacha tavsif:
Dasturning maqsadi — soliq tizimi, soliqqa tortish mexanizmlari, davlat moliyasi va soliq ma’murchiligi sohasida zamonaviy bilim, ko‘nikma va kompetensiyalarga ega bo‘lgan yuqori malakali mutaxassislarni tayyorlashdir. Bitiruvchilar soliq qonunchiligini amaliyotda qo‘llash, yuridik va jismoniy shaxslarning soliq majburiyatlarini hisoblash hamda tahlil qilish, soliq hisobotlarini tuzish, soliq nazoratini amalga oshirish, soliq risklarini baholash va boshqarish, shuningdek davlat va xo‘jalik yurituvchi subyektlarning moliyaviy faoliyatini tahlil qilish qobiliyatiga ega bo‘ladilar.

Amaliyot: Talabalar 4 kursning 2 semestrida Davlat soliq qo‘mitasi va uning quyi organlarida amaliyot o‘taydi.

Karyera istiqbollari:
Bitiruvchilar davlat soliq organlari, moliya va iqtisodiyot boshqarmalari, auditorlik va konsalting kompaniyalari, bank-moliya muassasalari, sug‘urta tashkilotlari, korxona va tashkilotlarning moliya hamda soliq bo‘limlarida faoliyat yuritishlari mumkin. Shuningdek, ular soliq maslahatchisi, soliq inspektori, auditor, moliyaviy tahlilchi, buxgalter, soliq menejeri va moliyaviy konsultant sifatida ishlash imkoniyatiga ega bo‘ladilar.

Dastur magistratura (MSc) va keyinchalik doktorantura (PhD) bosqichlarida ta’limni davom ettirish uchun zarur nazariy va amaliy bilimlar bazasini shakllantiradi hamda ilmiy-tadqiqot faoliyatini olib borish uchun mustahkam asos yaratadi.