O'zbek tili va adabiyoti (magistratura)

O‘zbek tili va adabiyoti ta’lim yo‘nalishi — o‘zbek tilining nazariy asoslari, milliy adabiyotimizning boy merosi va zamonaviy tilshunoslik yutuqlarini chuqur o‘rganishga qaratilgan mutaxassislarni tayyorlaydigan yo‘nalishdir.

Ushbu yo‘nalishda talabalar o‘zbek tili grammatikasi, tilshunoslik, adabiyot nazariyasi, o‘zbek va jahon adabiyoti tarixi, nutq madaniyati, matnshunoslik hamda ona tilini o‘qitish metodikasini o‘rganadilar. Ta’lim jarayonida nazariy bilimlar amaliy mashg‘ulotlar bilan uyg‘unlashtirilib, talabalarda adabiy asarlarni tahlil qilish, ilmiy-tadqiqot olib borish va ta’lim jarayonini samarali tashkil etish ko‘nikmalari shakllantiriladi.

Bitiruvchilar umumta’lim maktablari, akademik litseylar, oliy ta’lim muassasalari, ilmiy-tadqiqot markazlari, nashriyotlar, ommaviy axborot vositalari hamda turli davlat va nodavlat tashkilotlarida faoliyat yuritishlari mumkin.