Samarqand agroinnovatsiyalar va tadqiqotlar instituti

Samarqand agroinnovatsiyalar va tadqiqotlar instituti - iqtisodiyotning qishloq xoʻjaligi va oziq-ovqat sohalari uchun kadrlar tayyorlaydigan oliy oʻquv yurti hisoblanadi. Institut Oʻzbekiston Respublikasi Prezidentining 2023-yil 7-iyuldagi 216-son qaroriga asosan, Toshkent davlat agrar universiteti Samarqand filiali negizida tashkil etilgan. Institutda 2 ta fakultet (agrobiologiya, iqtisodiyot va boshqaruv), 5 ta tadqiqot markazlari, 5 ta kafedralar, 3 ta laboratoriya, ochiq va yopiq sport majmualari, tadqiqotlar olib borish uchun 50 gektar “Axborot maslaxat markazi” faoliyat yuritmoqda. Taʼlimning bakalavriatura (kunduzgi va sirtqi), magistratura hamda doktorantura shakllarida kadrlar tayyorlanadi. Bundan tashqari, Institutda AQSH, Germaniya, Buyuk Britaniya, Italiya, Polsha, Latviya, Yaponiya, Janubiy Koreya kabi mamlakatlarning turli universitetlari bilan akademik hamkorlikni yoʻlga qoʻygan.

2025-yilda O'zbekiston Respublikasi Qishloq xo'jaligi vazirligi va Italiyaning Tushia universiteti (UNITUS) o'rtasidagi kelishuvga muvofiq, institut bazasida qo'shma universitet kampusi tashkil etildi. Rasmiy kelishuv 2025-yil 28-mayda Italiya Bosh vaziri Jorja Meloni tashrifi doirasida O'zbekiston Qishloq xo'jaligi vaziri Ibrohim Abduraxmonov va Tushia universiteti prezidenti Stefano Ubertini tomonidan imzolandi; qo'shma dasturlar 2025-yil 3-oktabrda tantanali ochildi. 2025-2026 o'quv yilidan boshlab kampus Yevropa ta'lim standartlari asosida ishlab chiqilgan ikki diplomli dasturlarni - bakalavriatda Agronomiya hamda Oziq-ovqat fanlari va texnologiyasi, magistraturada Organik dehqonchilik va Doiraviy iqtisodiyot yo'nalishlarini taklif etadi. Ta'lim muvofiqlashtirilgan o'quv rejalari asosida ingliz tilida olib boriladi va navbatma-navbat O'zbekiston va Italiyada amalga oshiriladi; bitiruvchilar har ikki davlatda tan olinadigan diplomlarni oladilar.

Samarqand agroinnovatsiyalar va tadqiqotlar universiteti chet ellik talabalar uchun zamonaviy, qulay va xalqaro standartlarga mos ta'lim muhitini taklif etadi. Qadimiy va xavfsiz Samarqand shahrida joylashgan universitet talabalarga ham sifatli ta'lim, ham boy madaniy tajriba imkoniyatini beradi.

Ta'lim muhiti va infratuzilma

• Zamonaviy jihozlangan o'quv laboratoriyalari, multimediali auditoriyalar va amaliy mashg'ulotlar uchun biolaboratoriya;
• Chet tillarini o'rganish markazi va boy kutubxona resurslari;
• Yopiq va ochiq sport inshootlari, talabalar uchun ijtimoiy va dam olish maydonlari;
• Amaliyot va ilmiy tadqiqotlar uchun 50 gektarlik "Axborot-maslahat markazi".

Xalqaro ta'lim imkoniyatlari

• Italiyaning Tushia universiteti (UNITUS) bilan birgalikdagi qo'shma (ikki diplomli) bakalavr va magistr dasturlari;
• 20 dan ortiq mamlakatdagi 50 ga yaqin oliy ta'lim muassasasi bilan hamkorlik va akademik almashinuv;
• Xorijiy professorlar va xalqaro ekspertlar ishtirokidagi darslar, seminarlar va mahorat darslari;
• Germaniya, Polsha va Buyuk Britaniya kabi qishloq xo'jaligi rivojlangan davlatlarda haq to'lanadigan amaliyot va malaka oshirish dasturlari.

Talabalarni qo'llab-quvvatlash

• Hujjatlarni rasmiylashtirish, ro'yxatdan o'tish va moslashish bo'yicha yordam;
• Yotoqxona va turar joy bilan ta'minlash imkoniyatlari;
• Tyutor va ilmiy rahbarlar tomonidan individual qo'llab-quvvatlash;
• Xalqaro talabalar uchun qulay va xavfsiz kampus muhiti.

Universitet chet ellik talabalarni qishloq xo'jaligi, oziq-ovqat xavfsizligi va iqtisodiyot sohalarida xalqaro miqyosda raqobatbardosh mutaxassislar sifatida tayyorlashga intiladi.

Institut ta'lim sifati va xalqaro ko'lamdagi nufuzini oshirishda xorijiy oliy ta'lim muassasalari va tashkilotlari bilan hamkorlik aloqalarini o'rnatish va izchil rivojlantirish.

Bo'lim faoliyati haqida

Xalqaro hamkorlik bo'limi professor-o'qituvchilar va talabalarning xorijda o'qishi, malaka oshirishi, stajirovka o'tashi, ilmiy seminarlar, xalqaro konferensiya va simpoziumlarda ishtirok etishini ta'minlaydi. Shu orqali bo'lim xorijiy ilg'or tajribani o'rganadi hamda o'zlashtirilgan bilim va ko'nikmalarni o'quv jarayoniga va O'zbekiston qishloq xo'jaligi sohasiga tatbiq etish bo'yicha amaliy ishlarni amalga oshiradi. Bo'lim faoliyati institutni global ta'lim makoniga integratsiyalashtirish, xalqaro grant va loyihalarni jalb etish hamda talabalar va xodimlar uchun yangi imkoniyatlar yaratishga yo'naltirilgan.

Bo'limning vazifalari

• Xorij safarlariga yuborilayotgan institut vakillarining hujjatlarini ko'rib chiqish va muvofiqlashtirish;
• Institutda amalga oshirilayotgan xalqaro loyihalarga ko'mak berish, ularning monitoringini olib borish va har chorakda Oliy ta'lim, fan va innovatsiyalar vazirligiga hisobot taqdim etish;
• Institut professor-o'qituvchilari, xodimlari va talabalari uchun seminar va davra suhbatlarini tashkil qilish;
• Institutning xorijiy hamkorlar bilan tuzadigan bitim, shartnoma va protokollarini ko'rib chiqish, tahlil qilish va tavsiyalar berish, zarurat bo'lganda hujjatlarni tegishli tashkilotlar bilan kelishish;
• O'zbekistondagi elchixonalar, xalqaro ta'lim tashkilotlari va jamg'armalari bilan hamkorlikda ta'limning ustuvor yo'nalishlari bo'yicha seminar va ilmiy-amaliy anjumanlar o'tkazish;
• Xorijiy fuqarolarni o'qitishdan tushadigan valyuta tushumlari bo'yicha oylik, choraklik, yarim yillik va yillik hisobotlarni vazirlik so'roviga binoan tayyorlash;
• Xorijiy hamkorlar e'lon qiladigan stajirovka, malaka oshirish, o'quv kurslari, magistratura va doktorantura grantlari tanloviga institut professor-o'qituvchilari, izlanuvchilar, magistrant va talabalarini tavsiya etish;
• E'lon qilinayotgan xalqaro grantlar haqida axborotni jamlab tarqatish, kafedralarga loyihalar tuzishda ko'maklashish va loyiha ijrosida bevosita ishtirok etish;
• Xalqaro tadbirlar, konferensiya va seminarlar haqidagi ma'lumotlarni to'plab fakultetlarga yetkazish.

Xalqaro akademik mobillik (2025–2026)

Institut har yili professor-o'qituvchilar va talabalarning xalqaro akademik mobilligini izchil kengaytirib bormoqda. Faqat 2025-yilning o'zida institutning 50 dan ortiq professor-o'qituvchisi va rahbar xodimi 13 ta mamlakatga — Italiya, Germaniya, Niderlandiya, Yaponiya, Janubiy Koreya, Xitoy, Turkiya, Polsha, Slovakiya, Portugaliya, Finlandiya, Latviya va Tojikistonga ilmiy-akademik safar, malaka oshirish va hamkorlik muzokaralari uchun yo'l oldi. Shuningdek, 240 dan ortiq talaba, magistrant va yosh tadqiqotchi xorijiy universitet va korxonalarda amaliyot, akademik almashinuv va malaka oshirish dasturlarida ishtirok etdi.

Yil davomidagi muhim tashriflar sirasiga quyidagilar kiradi:

• Institut rektorining Xitoy (Urumchi shahridagi "Xitoy – Markaziy Osiyo" sammiti), Niderlandiya (Vageningen universiteti), Janubiy Koreya (Bog'dorchilik va o'simlikshunoslik milliy tadqiqot instituti), Germaniya (O'zbekiston–Germaniya rektorlar forumi, Rostok universiteti) va Yaponiya (Tokio qishloq xo'jaligi va texnologiya universiteti, JICA loyihasi) bo'yicha safarlari;
• Xalqaro hamkorlik bo'limi rahbarining Polsha, Finlandiya (Oulu universiteti) va Italiya (Tushia universiteti, "Joint Campus" o'quv dasturlari muhokamasi) safarlari.

2026-yilning birinchi yarmida bu jarayon yanada jadallashib, professor-o'qituvchilar Italiya (Roma Tre universiteti, AIEAA agrar iqtisodchilar uyushmasi konferensiyasi), Yaponiya, Malayziya (Sultan Idris universiteti), Xitoy, Qozog'iston, Janubiy Koreya (Vonkvang universiteti) va Shvetsiya kabi davlatlarga safarlar amalga oshirdi.

Xalqaro loyihalar

Institut Yevropa Ittifoqining Erasmus+ dasturi doirasidagi qator nufuzli loyihalarda faol ishtirok etadi:

• BioEcoUz — O'zbekistonda barqaror bio-iqtisodiyot bo'yicha yangi o'quv dasturini ishlab chiqish;
• OFINU — oziq-ovqat innovatsiyalarini joriy etish bo'yicha "Ochiq universitet" loyihasi;
• MIND — xalqaro akademik tarmoq va rivojlanish loyihasi;
• BioDigiskills — raqamli va bio-ko'nikmalarni rivojlantirish loyihasi (Latviya);
• Agricool — agrar amaliyot va innovatsiyalar loyihasi (Polsha);
• Erasmus+ ICM (Xalqaro kredit mobilligi) va CBHE (Oliy ta'limni rivojlantirish) yo'nalishlari.

Bundan tashqari, Yaponiyaning JICA agentligi ko'magida Samarqand viloyatida xurmoni quritish orqali aholi daromadlarini oshirishga qaratilgan loyiha amalga oshirilmoqda.

Talabalar amaliyoti va xalqaro almashinuv

Har yili 200 dan ortiq talaba qishloq xo'jaligi rivojlangan davlatlarda haq to'lanadigan ishlab chiqarish amaliyotini o'taydi. Eng yirik yo'nalish — Germaniyadagi yetakchi agrar korxonalar ("Schneiders Obsthof", "Mühlenhof Zepelin", "FVG Fruchtveredelungsgesellschaft Bonn", "BioBördeland", "HegeLand", "Obsthof Hubertus Wolf" va boshqalar) bilan hamkorlikdagi amaliyot dasturi. Talabalar shuningdek Slovakiya (Nitra qishloq xo'jaligi universiteti — bir semestrlik almashinuv), Polsha ("Agricool" loyihasi doirasida Krakov agrar universiteti va Green Crops kompaniyasi) va Janubiy Koreya dasturlarida malaka oshirmoqda. Bu amaliyotlar talabalarga jahon tajribasini o'zlashtirish, chet tilini takomillashtirish va xalqaro mehnat bozorida raqobatbardosh bo'lish imkonini beradi.

Ilmiy hamkorlik va xalqaro tadbirlar

Institut vakillari "Xitoy – Markaziy Osiyo mamlakatlari sanoat, ta'lim va tadqiqot integratsiyasi" sammiti, O'zbekiston–Germaniya oliy ta'lim muassasalari rektorlari forumi, AIEAA (Italiya agrar va amaliy iqtisodchilar uyushmasi) xalqaro konferensiyasi hamda Turkiya, Qozog'iston va boshqa davlatlardagi ilmiy anjumanlarda ishtirok etib, qo'shma ilmiy loyihalar, maqolalar va tadqiqotlar bo'yicha kelishuvlarga erishdi.

Xorijiy hamkorlar (bitim va shartnomalar)

🇩🇪 Germaniya

• Internship International MChJ — qishloq xo'jaligi amaliyot dasturi (2020.10.20–2025);
• "Praktikum 4 people" — amaliyot dasturi (2021.04.15–2026);
• "JD East" — talabalar amaliyot dasturi (2021.04.01–2026);
• IAMO instituti — tadqiqot va yosh ilmiy xodimlar malakasini oshirish (2023.01.04–2028);
• "LOGO e.V." — talabalarni amaliyotga yuborish (2023.02.22–2028);
• "NÜRNBERGER" dasturi — kasbiy malaka oshirish (2023.10.10–2029);
• "STAFF & DA" dasturi — kasbiy malaka oshirish (2023.10.24–2028);
• Rostok universiteti — rektorlar forumi va ilmiy hamkorlik (2025).

🇫🇮 Finlandiya

• JAMK Amaliy fanlar universiteti — Erasmus+ BioEcoUz (2021.05.21–2026);
• Oulu universiteti — Erasmus+ ICM/CBHE hamkorligi (2025).

🇱🇻 Latviya / 🇱🇹 Litva

• Vytautas Magnus universiteti — Erasmus+ BioEcoUz (2021.05.21–2026);
• Latviya tabiiy fanlar va texnologiyalar universiteti — hamkorlik memorandumi (2022.03.02–2027);
• Bulduri texnikumi — "BioDigiskills" loyihasi (2025).

🇰🇷 Janubiy Koreya

• Jeju milliy universiteti — talabalar almashinuvi dasturi (2021.04.14–2026);
• Andong milliy universiteti — o'quv va ilmiy hamkorlik (2024.01.31–2029);
• Xalqaro bog'dorchilik instituti va Bog'dorchilik milliy tadqiqot instituti — kartoshkachilik bo'yicha qo'shma loyiha (2025).

🇷🇺 Rossiya Federatsiyasi

• Janubiy Ural davlat agrar universiteti (2021.12.01–2026);
• Rossiya FA O'simliklar fiziologiyasi instituti (2021.09.29–2031);
• N.V. Parakhin nomidagi Orlovskiy davlat agrar universiteti (2021.06.16–2026).

🇵🇱 Polsha

• Warsaw University of Life Sciences – SGGW (2022.04.01–2027);
• Krakov agrar universiteti, Jeshuv (Rzeszów) universiteti va Ignatsiy Mossitskiy nomidagi Amaliy fanlar universiteti — "Agricool" loyihasi (2024–2025).

🇨🇳 Xitoy

• Annexure Financial Solutions Ltd (Gonkong) — o'quv va ilmiy hamkorlik (2022.02.20–2025);
• Xinjiang Agricultural University (XJAU) (2023.02.24–2028);
• Shihezi qishloq xo'jaligi universiteti — "Xitoy–Markaziy Osiyo" sammiti va talabalar almashinuvi (2025).

🇰🇿 Qozog'iston

• Atyrau universiteti (2023.02.24–2028);
• Abylkas Saginov nomidagi Qaraganda texnika universiteti (2024–2029);
• Qozog'iston milliy agrar tadqiqotlar universiteti (2025–2026).

🇹🇷 Turkiya

• Isparta, Siirt va Çoruh universitetlari (2023.11.14–2028);
• Ondokuz Mayis hamda Qahramonmarash Sutchi Imom universitetlari (2025).

Boshqa davlatlar

• 🇭🇺 Vengriya — Hungarian University of Agriculture and Life Sciences (MATE) (2023.01.30–2028);
• 🇮🇪 Irlandiya — IICRR (2023.04.14–2028);
• 🇬🇧 Buyuk Britaniya — "HOPS" kompaniyasi, kasbiy malaka oshirish (2023.11.20–2028);
• 🇳🇱 Niderlandiya — Vageningen universiteti (2025);
• 🇯🇵 Yaponiya — Tokio qishloq xo'jaligi va texnologiya universiteti (2025–2026);
• 🇲🇾 Malayziya — Sultan Idris universiteti (2026).

Erasmus+ Xalqaro kredit mobilligi (ICM) loyihalari:

• 🇷🇴 Cluj-Napoca qishloq xo'jaligi va veterinariya universiteti (Ruminiya, 2022–2023);
• 🇵🇹 Porto universiteti (Portugaliya, 2022–2023);
• 🇧🇬 D.A. Tsenov nomidagi Iqtisodiyot akademiyasi – Svishtov (Bolgariya, 2022-yildan).

Italiyaning Tushia universiteti bilan qo'shma kampus

Xalqaro hamkorlikning eng yirik va istiqbolli natijasi — Italiyaning Tushia universiteti (UNITUS, Viterbo) bilan tashkil etilgan qo'shma universitet kampusidir. 2025-yil 28-mayda O'zbekiston Qishloq xo'jaligi vazirligi va Tushia universiteti o'rtasida imzolangan kelishuv asosida yo'lga qo'yilgan ushbu tashabbus doirasida 2025–2026 o'quv yilidan boshlab ikki diplomli (double-degree) dasturlar amalga oshirilmoqda: bakalavriatda — Agronomiya hamda Oziq-ovqat fanlari va texnologiyasi; magistraturada — Organik dehqonchilik va Doiraviy iqtisodiyot. Ta'lim Yevropa standartlari asosida, ingliz tilida olib boriladi va navbatma-navbat O'zbekiston va Italiyada amalga oshiriladi; bitiruvchilar har ikki davlatda tan olinadigan diplomlarga ega bo'ladilar.

Samarqand agroinnovatsiyalar va tadqiqotlar universiteti xorijiy tillarni o'rganishni talabalarning xalqaro miqyosda raqobatbardosh mutaxassis bo'lib yetishishining muhim sharti deb biladi. Globallashuv sharoitida chet tillarini bilish talabalarga jahon ilm-fani yutuqlaridan bahramand bo'lish, xalqaro qo'shma dasturlarda qatnashish, chet elda amaliyot va malaka oshirish hamda akademik almashinuv imkoniyatlaridan keng foydalanish yo'lini ochadi.

Universitetning chet tillarini o'rganish markazida talabalar va professor-o'qituvchilar uchun zamonaviy, kommunikativ metodikalar asosida til kurslari tashkil etilgan. Mashg'ulotlar tilni bilish darajasiga ko'ra (boshlang'ich bosqichdan ilg'or bosqichgacha) kichik guruhlarda olib boriladi va og'zaki nutq, tinglab tushunish, o'qish hamda yozish ko'nikmalarini bir vaqtda rivojlantirishga qaratilgan. Markazda shuningdek xalqaro til sertifikatlari (IELTS, TOEFL, Goethe-Zertifikat, TOPIK, JLPT va boshqalar) imtihonlariga tayyorgarlik ko'rish imkoniyati ham mavjud.

Hozirgi kunda quyidagi tillar bo'yicha ta'lim olish mumkin:

• Ingliz tili — xalqaro ta'lim, ilmiy nashrlar va qo'shma dasturlarning asosiy tili;
• Rus tili — mintaqaviy va ilmiy hamkorlik uchun;
• Nemis tili — Germaniyadagi amaliyot va malaka oshirish dasturlari uchun;
• Turk tili — Turkiya oliy ta'lim muassasalari bilan almashinuv va stipendiya dasturlari uchun;
• Koreys tili — Koreya universitetlari va grant dasturlari bilan hamkorlik doirasida;
• Yapon tili — Yaponiya bilan ta'lim va ilmiy aloqalarni mustahkamlash maqsadida.

Xalqaro hamkorlikning kengayishi bilan universitet til yo'nalishlarini yanada boyitib bormoqda. Yaqin kelajakda italyan tili kurslarini joriy etish rejalashtirilgan — bu Italiyaning Tushia universiteti (UNITUS) bilan amalga oshirilayotgan qo'shma ta'lim dasturi va ikki diplomli yo'nalishlar bilan bevosita bog'liq. Shuningdek, xitoy tili kurslarini ham tashkil etish ko'zda tutilgan: so'nggi davrda universitetning 15 dan ortiq talabasi Xitoyga til o'rganish dasturlari doirasida yuborildi, bu esa ikki davlat o'rtasidagi ta'lim aloqalarining mustahkamlanayotganidan dalolat beradi.

Til kurslari nafaqat talabalarning kasbiy va ilmiy salohiyatini oshiradi, balki ularning global ta'lim makoniga integratsiyalashuvi, xalqaro loyihalarda ishtirok etishi va kelajakdagi xalqaro martabasi uchun mustahkam poydevor yaratadi.

Talaba-yoshlarni o‘quv va ilmiy-tadqiqot ishlaridagi faoliyatini yanada rag‘batlantirish va moddiy qo‘llab-quvvatlash maqsadida tashkil etilgan bo’lib, O‘zbekiston Respublikasi Prezidenti stipendiyasi sovrindori 1 nafar va Islom Karimov nomli davlat stipendiyasi sovrindorlari 2 nafarni tashkil etadi. Shuningdek, O‘zbekiston Respublikasi Qishloq xo‘jaligi vazirligi tomonidan tashkil etilgan “O‘zbekiston Respublikasi Qishloq xo‘jaligi vazirligi stipendiyasi” ni 6 nafar  iqtidorli talabalarimiz qo‘lga kiritgan. Institut rektori tomonidan ta’sis etilgan “Rektor stipendiyasi” har o‘quv yilida fakultetlardan 2 nafar iqtidorli talabalarga beriladi, jumladan hozirgacha 32 nafar iqtidorli talaba “Rektor stipendiyasi” sohibi bo‘lgan.