Islom Karimov nomidagi Toshkent Davlat Texnika universiteti

Elektr energetikasi fakulteti 1920-yilda Turkiston davlat universiteti tarkibida tashkil topgan bo’lib, 1923-yilda birinchi injener-elektrik mutaxassislar tayyorlangan. Energetika fakultetining tashkil etilishida asos solgan va energetik injener kadrlarni tayyorlashda jonbozlik ko’rsatgan olim akademik A.G.Aleksandrov bo`lgan.

       Energetika fakultetining kengayishi va rivojlanishida dekanlar: professor G.F.Grushkin, A.V.Sorokin, dotsentlar N.I. Toperverx, P.V.Karpenko, M.L.Aronov, X.M.Asimov, professorlar: B.U.Umarov, A.S.Karimov, T.M.Kodirov, K.R.Allayev, O.O.Xoshimov, B.X. Yunusov, A.A. Alimov, T.Sh. Gayibov va boshqalar katta xizmat ko`rsatishgan. 2015-yildan professor J.B. Toshov fakultet dekani sifatida boshqarib kelmoqda.

      Energetika sohasining rivojlanishida va malakali energetik-muxandislar tayyorlashda akademiklar: X.F.Fozilov, M.Z.Xamudxonov, T.X.Nosirov, R.A.Zoxidov, muxbir-a'zo G.R.Raximov, professorlar: K.R.Allayev, B.U.Umarov O.O.Xoshimov, T.M. Kodirov, X.G. Karimov, N.X.Bozorov, M.Muxammadiyev, D.N.Muxiddinov, M.I.Ibodullayev, dotsent B.X.Yunusov va boshqalarning hissasi katta.

      80-yillarga kelib mamlakatimiz xalq xo’jaligi uchun energetik-muhandis mutaxassislarga bo’lgan ehtiyoj oshishi munosabati bilan 1983-yilda Energetika fakulteti asosida: Elektroenergetika va Sanoat energetikasi fakultetlari tashkil etildi. 1993 yilda esa shu fakultetlar negizida Energetika markazi tashkil etilib, markaz prorektori etib prof. K.R.Allayev tayinlandi.

      2005-yilda Energetika fakulteti O’zbekiston Respublikasi Prezidenti farmoyishiga asosan qayta tashkil etildi. Hozirda fakultet tarkibi, 4 ta yo’nalish bo’yicha bakalavrlar va 9 ta mutaxassislik bo’yicha magistrlar tayyorlab kelinmoqda.

      Institut qoshida DAK "O’zbekenergo" va boshqa yirik korxona, tashkilot rahbarlari va injener-texnik xodimlarining malakasini oshirish kurslari tashkil etildi.

      Energetika fakultetida ilmiy-tadqiqot ishlari davlat grantlari va korxonalar bilan tuzilgan xo’jalik shartnomalar asosida olib boriladi. Fakultetda barcha doktorant, magistratura hamda bakalavriat ta'lim yo’nalishlarida ta’lim olayotgan iqtidorli talabalar davlat grantlari va xo’jalik shartnomalari asosida bajariladigan ilmiy ishlarga jalb etilgan.

      Fakultetimiz yotoqxonasida talabalarning yashashi va dam olishlari uchun ham barcha shart-sharoitlar yaratib berilgan. Talabalar turar joyida muntazam ravishda ma'naviyat xonasi faoliyat ko’rsatadi. U yerda doimo yangi gazeta-jurnallar mavjud. Ma'naviyat xonasida tez-tez turli davra suhbatlari, tadbirlar, uchrashuvlar o’tkazilib boriladi. Fakultetimizda taniqli olimlar, fan arboblari, professorlar, kafedra mudirlari va dekanat xodimlari bilan davra suhbat o’tkazilib boriladi. Bundan tashqari yotoqxonada yashayotgan talabalar bilan huquq targ’ibot organlari xodimlari va universitetning raxbariyati bilan uchrashuvlar o’tkaziladi.

1921-yil professor M.M. Protodyakonov tashabbusi Turkiston davlat universitetining texnika fakulteti tarkibida konchilik bo‘limi ochilib, Markaziy Osiyoda ilk bor konchi muhandislar tayyorlashga asos solindi.

1930- yilda O‘rta Osiyo davlat universitetining konchilik-geologiya bo‘limlari va kafedralari zaminida O‘rta Osiyo geologiya-qidiruv instituti tashkil etilib, 1931-yilda u O‘rta Osiyo konchilik institutiga aylantirildi. 1933- yilda u qurilish va energetika institutlari bilan birlashib, O‘rta Osiyo industrial institutining dastlabki uchta: konchiiik-geologiya, qurulish va energetika fakultetlarini tashkil etildi.

Konchilik fakulteti 1952-yilga qadar O‘rta Osiyo politexnika instituti tarkibida konchilik va geologiya-qidiruv muhandislari tayyorlash bo‘yicha faoliyat olib borib, shu yili u konchilik va geologiya-qidiruv fakultetlariga ajratildi. Bu ikki fakultet 1996-yilga qadar mustaqil faoliyat olib bordilar va shu yili yagona-konchilik-geologiya fakulteti maqomida birlashtirildi.

2016-yilda fakultet Muhandislik geologiyasi va konchlik ishi fakultetiga aylantirildi. 2018- yilda mazkur fakultet bazasida 2 ta yangi fakultet : konchilik ishi va metallurgiya hamda geologiya-qidiruv fakultetlari tashkil etildi.

Konchilik fakultetining dekani lavozimida turli yillarda A.S. Uklonskiy, S.V. Grigoryans, N.F. Bezobrazova, G‘.O. Mavlonov, L.G. Gertman, V.L. Dmitriyev, N.V. Mishchenko, X.M. Maqsudov, U.A. Isamuxamedov, I.I. Inog‘amov, O.D. Rusanova, V.R. Raximov, X.X. Shomirzayev , G.M.Mirsaidov, X.S.Xodjayaev, F.Y.Umarov, O‘.F. Nosirov va boshqalar ishlab keldilar.

Hozirgi kunda PhD. dot. S.B Gaibnazarov Geologiya-qidiruv va kon-metallurgiya fakulteti dekani lavozimida faoliyat olib bormoqda.

1978 yil Toshkent politexnika instituti tarkibida “Neft va gaz” fakulteti tashkil etilgan. 1978-1988 yillar g.-m.f.d., professor Z.S. Ibragimov birinchi bo’lib fakultetga rahbarlik qilgan. 1988-1994 yillar esa t.f.n., dotsent M.S. Mirzaraximov fakultetga rahbarlik qilgan. 1994-1999 yillar g.-m.f.n., dotsent I. Xolismatov fakultetga rahbarlik qilgan. 1999-2001 yillar t.f.n., dotsent A.M. Aminov fakultetga rahbarlik qilgan. 2001-2005 yillar t.f.n., dotsent M.S. Mirzaraximov fakultetga rahbarlik qilgan. 2005-2008 yillar t.f.d., professor B.A. Aliyev fakultetga rahbarlik qilgan. 2008-2009 yillar t.f.n., dotsent A.M. Aminov fakultetga rahbarlik qilgan. 2009-2010 yillar t.f.n., professor N. Zayniddinov fakultetga rahbarlik qilgan. 2010-2011 yillar t.f.n., dotsent N.N. Mahmudov fakultetga rahbarlik qilgan. 2011-2016 yillar t.f.n., dotsent M.N. Musaev fakultetga rahbarlik qilgan.

O‘zbekiston Respublikasi Prezidentining 2016 yil 2 maydagi OTM faoliyatini takomillashtirish to‘g‘risidagi qarori bilan TDTUning Neft va gaz fakulteti talabalar kontingenti Gubkin nomidagi Rossiya davlat neft va gaz universitetining Toshkent shahri filialiga o‘tkazildi va fakultet faoliyati yakunlandi.

Oradan 5 yil muddat o’tgandan so’ng ya’ni O’zbekiston Respublikasi Prezidentining 2021 yil 22 iyundagi “2021/2022 o’quv yilida O’zbekiston Respublikasining oliy ta’lim muassasalarida o’qishga qabul qilishning davlat buyurtmasi parametrlari to’g’risida” PQ-5157 son qarori, 2021 yil 26-avgust kuni ToshDTU kengashining 1-son qarori va universitetning 31.08.2021 yil №10/9-05-626 buyrug’i bilan “Neft va gaz” fakulteti tashkil etilgan.

“Neft va gaz” fakulteti 2021 yil avgust oyida qayta tashkil etilgan so’ng texnika fanlari doktori, professor O’rinov Ulug’bek Komiljonovich dekan sifatida faoliyat olib bormoqda.

Hozirgi kunda fakultetda jami asosiy shtatda 43 nafar professor-o’qituvchilar, jumladan 3 nafar fan doktorlari, professorlar, 14 nafar fan nomzodlari, dotsentlar va 8 nafar katta o’qituvchi va 18 assistentlar faoliyat olib bormoqdalar. Ilmiy salohiyat – 40 %.

Islom Karimov nomidagi Toshkent Davlat texnika universiteti Elektronika va avtomatika fakulteti 1962 yil Toshkent politexnika institutining “Injiner fizika” fakulteti sifatida tashkil etilgan. 1972 yil fakultetdan “Avtomatlashtirilgan tizimlarini boshqarish” fakulteti ajralib chiqqan. Bu fakultetlarni tashkil etilishi, rivojlanishida hamda elektronika va kibernetika sohasidagi oliy ma’lumotli injiner kadrlarni tayyorlashda taniqli akademiklardan U.A.Aripov, S.V.Starodubtsov, M.Z.Xamudxonov, V.K.Kabulov, G.R. Rahimov va professor B.U. Umarovlar xizmat ko‘rsatgan.“Injener fizika” fakulteti ni turli yillarda taniqli professorlar B.U.Umarov, G.R.Rahimov, A.K.Shakirov, X.Sh.Sharipov, I.R. Rashidov, akademik X.Z.Igamberdiyev, professorlar N.F.Zikrillayev, A.Nazarov, B.E.Umurzoqov, A.O‘.Mirisayev, O.O.Zaripov, dotsent Q.Abidov, M.Tursunovlar boshqarib kelgan.“Avtomatlashtirilgan tizimlarini boshqarish” fakultetini turli yillarda dotsent   G.N. Raximov, akademik N.R.Yusupbekov, dotsent V.N.Kogay,  professorlar P.F.Xasanov va S.S.Qosimovlar boshqarib kelgan.  2017 fakultetga boshlab yildanfizika-matematika fanlari nomzodi X.F.Zikrillayev rahbarlik qilmoqda.

Bugungi kunda fakultetda 9 ta ta’lim yo‘nalishi va 12 ta magisturatura mutaxasisligi bo‘yicha jami 1824 nafar talaba,  shulardan, 1745 nafar bakalavriat, 81 nafari magistratura bosqichida hamda 20 dan ortiq doktorantlar tahsil olmoqda.2018-2019 o‘quv yilida 3 nafar talaba “Beruniy” stipendiyasiga sazovor bo‘ldi. Fakultetda jami 8 ta kafedra mavjud bo‘lib, ularda 100 dan ortiq professor-o‘qituvchilar ta’lim beradi. Ulardan 3 nafari O‘zbekiston Respublikasi fanlar Akademiyasi akademiklari (o‘zlarining ilmiy maktabiga ega bo‘lgan akademik N.R Yusupbekov, akademik M.K.Baxadirxanov,   akademik  X.Z.Igamberdiyev), 20 nafari fan doktori, 22 nafari fan nomzodlaridir. Elektronika va avtomatika fakulteti Respublikaning “O‘zbekkimyo” AJ, “Foton” AJ, “Artel” AJ, “Biokimyo” AJ, “Maxam Chirchik” AJ, “Maxam Ammofos” AJ, “Navoiy kon-metallurgiya kombinati”, “Farg‘ona Azot”AJ, “NavoiAzot”AJ, “Olmaliq tog‘- metallurgiya kombinati” AJ, Buxoro va Farg‘ona neftni qayta ishlash zavodlari,  Sho‘rtan gaz-kimyo majmuasi, Sho‘rtan, Muborak, Ustyurt gazni qayta ishlash zavodlari, Dexqonobodkaliy o‘g‘itlari zavodi, Ustyurt soda zavodi, “Ximavtomatika” AJ, «Eriel» QK,  “Intel Engineering” AJ QK  va iqtisodiyotning turli sanoat korxonalari uchun elektronika va kibernetika sohasidagi mutaxasislar tayyorlab beradi.Dunyoning yetakchi davlatlari Germaniya Federetiv Respublikasi, Yaponiya, Rossiya Federatsiyasi, Xitoy Xalq Respublikasi, Janubiy Koreya Respublikasi va ko‘pgina MDH davlatlarining yetakchi universitetlari va ilmiy tadqiqot markazlari bilan fa’ol hamkorlik yo‘lga qo‘yilgan.

Hozirda fakultetda asosiy shtatda 142 nafar professor-o‘qituvchilar faoliyat olib bormoqdalar, shundan 16 nafar fan doktorlari, professorlar, 39 nafar fan nomzodlari, dotsentlar.  Ilmiy salohiyat  39 %.

Fakultetda 7 ta bakalavriatura ta’lim yo‘nalishi: Materialshunoslik va yangi materiallar texnologiyasi; Metallar texnologiyalari(metallarga bosim bilan ishlov berish); Metallar texnologiyalari(prokatlash texnologiyasi); Metallar texnologiyalari(quymakorlik texnologiyalari); Texnologik mashinalar va jihozlar (sovutish mashinasozligi); Tеxnоlоgik mаshinаlаr vа jihоzlаr (mаishiy tеxnikа vа jihоzlаrini ishlаb chiqаrish); Payvandlash texnologiyasi va jihozlari bo‘yicha bakalavrlar va 9 ta magistratura mutaxassisligi: Materialshunoslik va materiallar texnologiyasi; Metallurgiya mashinalari va jihozlari(ta’mirlash ishlab chiqarish); Metallurgiya mashinalari va jihozlari(quymakorlikda); Metallarga bosim bilan ishlov berish (metallarni prokatli ishlab chiqarish); Metallarga bosim bilan ishlov berish(metallarga ishlov berish); Sovutish, kriogen texnikasi va mo‘ta’dillash tizimlari mashinalari hamda agregatlari; Quymakorlik ishlab chiqarishi texnologiyasi; Kukunli metallurgiya, kompozitsion materiallar, qoplamalar; Payvandlash ishlab chiqarish texnologiyasi va jihozlari bo‘yicha magistrlar tayyorlab kelinmoqda.  

Mexanika fakultetida ilmiy-tadqiqot ishlar davlat grantlari va korxonalar bilan tuzilgan xo‘jalik shartnomalar asosida olib boriladi. Fakultetda barcha doktorant, magistratura mutaxassisliklari hamda bakalavriat ta’lim yo‘nalishlarida ta’lim olayotgan iqtidorli talabalar davlat grantlari va xo‘jalik shartnomalari asosida bajariladigan ilmiy ishlarga jalb etilgan.

Fakultetda olib borilayotgan ma’naviy-ma’rifiy ishlar doirasida taniqli olimlar, fan arboblari, professorlar, kafedra mudirlari va dekanat xodimlari bilan davra suhbatlari o‘tkazilib boriladi.

Fakultetga qarashli 56-Talabalar turar joyida talabalarning yashashi va dam olishlari uchun barcha shart-sharoitlar yaratib berilgan. Talabalar turar joyida muntazam ravishda ma’naviyat xonasi faoliyat ko‘rsatadi. Ma’naviyat xonasida turli davra suhbatlari, ma’naviy-ma’rifiy, madaniy dam olish tadbirlari, uchrashuvlar o‘tkazilib boriladi. Bundan tashqari talabalar turar joyida yashayotgan talabalar bilan IIB xodimlari va universitet rahbariyati bilan uchrashuvlar o‘tkazilib boriladi.